Aholkularitza teknikoa
Saharar Errepublika Arabe Demokratikoarekin lankidetza egiteko gomendioak
- Herri Sahararra lagundu, materialak eta diru bitartez, errefuxiatu kanpamentuetako biziraupena bermatzeko eta autodeterminazio eskubidea lortzen laguntzeko.
- Udala errefuxiatu sahararren kanpamentuetako daira batekin senidetu, Herri Sahararrarekiko elkartasunaren adierazle eta autodeterminazioaren eskubidearen aitortzarako ikur.
- Senidetzea dairako biztanle eta agintariekin elkartrukeak bultzatzeko aukera bat bezala ulertu, ez zuzeneko lankidetzarako erreminta bat bezala.
- Beste Udal eta instituzioekin batera ekintzak koordinatu. Proiektu txiki “propioak” eta senidetutako “norbere” dairan egindako ekintzak ekiditu, Udaletxeak, dagoeneko, mantendu nahi den hitzarmen espezifiko bat daukan kasuetan izan ezik.
- Sahararekiko lankidetza zuzena sustatu, herri honi zuzenduriko laguntzak lankidetzarako egiten diren diru-laguntzen deialdi orokorretatik ateratzen saiatuz.
- Euskal Fondoak (Sahararako Koordinazio Unitateak) Saharan sustatutako proiektu partekatuetara gehitu.
- Marokok okupatutako Mendebaldeko Saharako lurraldeetan giza eskubideak errespetatu egiten direla zaindu, horien bortxaketa salatuz.
- Herri Sahararraren aldeko elkartasun ekintzetan eta Bake Plana babesteko eta bultzatzeko kanpainetan parte hartu, lanak gainerako erakunde eta udalekin koordinatuz.
- Herritarrei Mendebaldeko Sahararen eta Herri Sahararraren egoeraz, eta Bake Prozesuaren bilakaeraren inguruko informazioa helarazi eta sentsibilizazio ekintzak sustatu.
- Herritarrei Udalak Herri Sahararraren alde eta berarekin lankidetzan gauzatzen dituen proiektu eta elkartasun ekintzen informazioa helarazi.